Дэлгэрэнгүй
Татаж авах Docx
Дэлгэрэнгүй уншаарай
Эрхэм Хамгаас Хайрт Их Багш аа, талархлаар дүүрэн сэтгэлээрээ Танд бичиж байна. Аяа Их Багш минь, заримдаа Танд хэрхэн талархахаа би мэддэггүй. Хүн төрөлхтний улмаас Их Багшийн зовж буйг харуулсан бичлэгүүдийг үзэж байхдаа би уйлж, Бурхан намайг ямар нэг байдлаар ашиглаасай гэж хүссэн, тэгж би Таны төлөө зовлонг тэвчиж чадна, учир нь би Таны нулимсыг харж тэвчихгүй. Аяа Их Багш аа, хамгаас энэрэнгүй, зөөлөн Нэгэн минь, би Таны алхам бүрийг бүх хүндлэл бишрэлээрээ дагах болно. Танаас дотоод ахуй ойлголтоо өгүүлэх зөвшөөрөл авахыг хүсэж байна. Би бясалгалынхаа үеэр дотор нь олон хүнтэй автобус зам дээр явж байхыг харсан. Гэнэт газар хөдлөлт болсон. Газар хүчтэй чичирч, эвдэрч сүйрсээр байв. Зам яг л босоо зам шиг болж, автобусны бүх зорчигч нас барсан. Би юу болоод байна вэ гэж гайхаж байлаа. Харанхуй тэнгэр өөд дээш хартал мушгирсан, том эвэртэй олон том чөтгөр байхыг би харсан. Тэдний улаан нүд Дэлхий рүү ширтэн, сүйтгэгч энергийн цацрагийг гадагш илгээж байв. Дараа нь тэнгэрт галын цагартгууд гарч ирсэн бөгөөд энэ нь сүйтгэгч энергийн нэвт гарч, Дэлхий рүү чиглэх хаалга болж байв. Би айж, өөр лүүгээ харсан. Би өөрийгөө цагаан гэрэлтэй том байшинд зогсож байхыг харсан. Байшин маш тод гэрэлтэй байлаа. Энэ нь бүхий л багана, ханатай байсан ч гэрэл маш тод байсан тул эдгээр том багануудаар дамжин гэрэлтэж буй мэт санагдсан, тиймээс би өөрийгөө туйлын тод гэрэлтэй тунгалаг байшин дотор зогсож байна гэж бодсон. Тэр байшинд би тэрхүү яаралтай мөчид хайртай хүмүүсээ аврахын тулд юу хийхийг нь тайвнаар зааварлаж байлаа. Миний сэтгэл тун амгалан, дуу хоолой минь тайван, тод байгааг би анзаарсан. Гэр бүлийн гишүүд маань миний зааврыг сонсож, дагуу хийсэн нь үнэхээр азтай хэрэг байв. Бясалгалаасаа сэрсний дараа би Арьяабалын Аргаар хичээнгүйлэн бясалгадаг авшигтнууд тэрхүү гэрлийн байшинд хамгаалагдах болно гэдгийг ухаарч ойлгосон. Эцсийн цаг ирж байгаа хэдий ч тэдгээр авшигтнууд хамгаалагдаж, сүнслэг бясалгал дадлын ач буянаар ухаалаг, тайван байж, гэр бүлийн гишүүдээ хамгаалах аргыг олох болно. Хэн ч гэмтээж, эсвэл хулгайлахгүй хамгаас нандин энэхүү бэлгийг өгсөн Тандаа үнэхээр их талархаж байна. Энэ дотоод ахуй ойлголтоор дамжуулан бүх ах, эгч нар маань Их Багшийг сонсож, улам хичээнгүйлэн бясалгаасай гэж хүсье, учир нь зөвхөн сүнслэг бясалгал л таныг, таны гэр бүлийн гишүүдийг аварч чадна. Их Багшийн бяцхан шавь!!! Ау Лак (Вьетнам)-аас Ту Ань Хамгаас эрхэм Ту Ань, дотоод ахуй ойлголтоо тодоор дүрсэлсэнд баярлалаа. Их Багш таны хайрын захидалд хариу илгээлээ. “Үнэнч Ту Ань, таны хайранд, мөн миний сайн сайханд санаа тавьж буйд тань баярлалаа. Их Багшийн бие энэ дэлхийн зовлон, шаналлыг тэвчихээр бүтээгдсэн учир үйлийн өрийг буцаан төлж чадна. Намайг гэсэн гүн гүнзгий хайр, чин сэтгэлийн сүнслэг бясалгал тань миний сэтгэлийг баясгаж, ажлыг минь илүү хялбар болгож байна! Мөн, зөвхөн хичээнгүй, чин сэтгэлийн бясалгал дадал биднийг болон олон үеийг маань хамгаалж, дэвшүүлж чадна гэдэг нь үнэн. Буддагийн мөнхийн Гэрэл тан дээр болон сайхан Ау Лак (Вьетнам) улсад тодоор гэрэлтэг.”
