Суприм Мастер Телевизийн ажлын багийнхны ая тух, эрүүл мэндийн төлөө бидний Хайрт Төгс Гэгээрсэн Их Багш Чин Хай хайр халамжаа зориулан энэ дэлхийн төлөө эрчимтэй бясалгалынхаа үнэт цагаас хугаслан байж 2021 оны 1-р сарын 30-нд утсаар ярьж багийн бүх гишүүд өвлийн энэ улиралд дулаан сайн өвөлжиж байгаа эсэхийг нягтлахаар холбогдсон билээ. Холбогдох үеэр Их Багш КОВИД-19-өөс үүдсэн хямралын талаар, ялангуяа үе үе шинээр гарч байгаа шинэ хэлбэрүүдийнх нь талаар ба бусад асуултад өгөөмрөөр хариуллаа.
Би урьд нь та нарт олон удаа, үгүй ядаж хоёр удаа шинж тэмдэг илэрдэггүй хүмүүсийн талаар ярьсан. (Тийм ээ.) Тэд хэдийгээр КОВИД-19 тээж байлаа ч та нар илт мэдэхгүй. Тэд шинж тэмдэггүй болохоороо туссанаа мэдэхгүй. Вирус тэдний биеийн тогтолцоог хөндөхгүй, биед нь довтлохгүй байгаад байдаг. Гэвч тэд биедээ тээгээд л 70 хоног хүртэлх хугацаанд тараагаад явдаг. Эргэн тойрондоо зөөвөрлөсөөр байдаг. 70 хоногийн хугацаанд хэдэн хүнд (За, Багш аа.) халдахыг бод доо.
Тиймээс би та нарыг хэзээ ч өөрсдийгөө баттай хамгаалсанд итгэлтэй байх аргагүй гэх гэсэн юм. Өөрийгөө сайн хамгаалаарай. Гадагш гарахдаа болон гэртээ эргэж ирэхдээ өөрсдийгөө хэрхэн хамгаалах талаар засгийн газрынхаа зааварчилгааг болон миний зөвлөгөөг ч бас сайн сонсоорой. (За, Багш аа.) Би үүнийг ярьсаар байтал та нар залхаж магадгүй юм. Багш үргэлж л нэг юмныхаа тухай ярьсаар байх юм гээд. Тэгсэн ч хангалттай сануулсан санагдахгүй юм. Та нар одоо мэдэж авлаа. Одоо бол мэднэ. (Тийм ээ, Багш аа.) Ялангуяа шинэ хувилбаруудын тухайд. Өмнөд Африк, Англиас гараад байгаа. Одоо гэтэл дэлхийн хаа сайгүй олон газарт хэдийнээ тархчхаад байна, энэ хувилбарууд. Яаж тархсаныг нь бид мэдэхгүй ч ямартай ч тархчихсан. Эсвэл магадгүй вирус өөрөө мутацид ордог биз. (За, Багш аа.) Тухайлбал Английн засгийн газраас хаа сайгүй мэдээллийн самбар гаргаж хувилбарууд маш хурдан тархаж буй талаар мэдээлж байна. Гэртээ байгаарай гэж гуйя.
Шинэ хувилбарууд маш хурдан, үнэхээр хурдан, өмнөхөөсөө 70, 80% хурдан тархаж байна. Хамгийн аймшигтай нь энэ. Амьсгал нь боогдсоноос болж хүмүүс хаа сайгүй зовж байна. Зарим хүн бүр амиа хорлоход хүрчээ. Зарим хүүхдүүд тэсвэрлэж чадалгүй амиа алдаж байна. Тэд ч бас өөрсдийгөө егүүтгэж байна.
Энэ бүх хүмүүс эцэс төгсгөлгүй зовж шаналсаар. Зүгээр л мах болон зарим зүйлсийг л орхих төдийд энэ байдал маш түргэн дээрдэх болно. Гэтэл тэд тэгэхгүй юм. Бурхан минь гэж. Диваажин туслахыг хүсэж байгаа хэдий ч тэдэнд туслах нөхцөл бололцоо нь байх хэрэгтэй. Бид тэр нөхцөлийг бүрдүүлдэггүй. Диваажинтай эн зэрэгцэх ямарваа нөхцөл бололцоог бүрдүүлэх хүч чадал бидэнд бий. (За, Багш аа.) Иймд бид энэ дэлхийг илүү дээр газар болгохын тулд Диваажинтай адилаар ухамсарлах боломжтой. Дэлхийд Диваажин цогцлоож чадна.
Хамгаас Өгөөмөр Их Багш Таны бидний эрүүл мэндийг корона вирусээс, ялангуяа шинэ хувилбаруудаас нь хамгаалахаар зориулсан хайр энэрэлтэй цэцэн билигт зөвлөгөөнд Тань бид гүнээ талархаж байна. Мөн дэлхий дахинд энэ цар тахлыг зогсоох хамгийн төгс шийдэл болох веган хооллолтод шилжих талаар үргэлжлүүлэн сануулж хэлж буйд Тань маш их баярлалаа. Бид Их Багшийн Веган Дэлхийг даруй цогцлоох залбиралд нэгддэг. Мөн бид Таны хүн төрөлхтөн болон зэрэгцэн оршигч амьтан андуудын маань төлөө зориулдаг хэмжээлшгүй адислалд үүрд талархах болно. Өндөр Дээд Диваажин Их Багшийг үргэлжид хамгаалах болтугай.
Төгс Гэгээрсэн Их Багш Чин Хайтай хийсэн энэхүү конференцийг бүрэн эхээр нь хожмын өдөр “Багш шавийн шүтэлцээ”-гээр хүлээн авч үзээрэй.
