Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хайн Олон Улсын Нийгэмлэгийн Индонез дэх тусламжийн мэдээ... 2022 оны 11-р сарын 21-ний үдээс өмнө Индонезийн Ява арлын баруун хэсэгт Цианжур мужийн ойролцоо 5.6 магнитут хүчтэй газар хөдлөлт боллоо. Чичирхийлэл 200 км алсад орших тус улсын нийслэл Жакарта хотод мэдрэгдэн байшин барилга савласан тул хүмүүс зугтан гарцгаасан байна. Хамгийн хүчтэй хөдлөлт болсон Цианжур мужид 300 гаруй хүн амь насаа алдсаны дотор сургуульдаа сууж байсан хүүхдүүд өртжээ. 5,000 гаруй хүн гэмтэж бэртэн, хэдэн мянган хүний орон гэр газар хөдлөлтөөс болж эвдэрч сүйдсэн байна. Дараах хэдэн өдрүүдэд нь 300 гаруй чичирхийлэл мэдрэгдсэн нь тус мужийг өндөр сэрэмжтэй байхад хүргэв. Энэхүү сүйрэл дагуулсан үйл явдлын дараахан манай Нийгэмлэгийн тусламжийн багийнхан гамшигт өртсөн хохирогчдод зориулсан тусламжийн багц бэлтгэхээр Жакарта Төвд цугласан юм. Багцад веган бэлэн гоймон, нялхсын хүнс, веган жигнэмэг, зэрэг хүнсний зүйлс, хувийн хэрэгслүүд, ургамлын гаралтай, хүүхдэд зориулсан тос, антисептик, эвкалипт тос, саван, оо, сойз, хүүхдийн живх, дулаан хөнжил, хувцас зэрэг зүйлсийг багтаалаа. Үүний дээр багийнхан веган болох хөтөч болон Их Багшийн “Хайр бол цор ганц шийдэл” номыг түгээсэн юм. 11-р сарын 22-ны орой гэхэд багийнхан 150 тусламжийн багц бэлэн болгосон бөгөөд дараа өдөр нь Цианжур мужид хүргэлээ. Манай Нийгэмлэгийн тусламжийн багийнхан Манде дүүргийн Кутаварингин тосгоны газар хөдлөлд өртсөн хэсэгт хүрлээ. Орон гэрүүд газартай тэгширч, эвдэрч сүйдэн, дээвэр нь нурж, хананууд нь цуурсан байлаа. 100 гаруй гэр бүл, 250 орчим хүн орон гэргүй болж майханд амьдрахад хүрч цаг агаарын байдлаас муухан далдалсан нөхцөл байдалд байна. Тусламжийн багийнхан маань бэлтгэсэн тусламжийн зүйлсээ хүүхэд, насанд хүрэгчид, настнуудад даруй түгээсэн юм. Нийгэмлэгийн гишүүд мөн майхан бүрээр орж хүн бүрд тусламж хүрсэн эсэхийг лавласан. Хэрэгтэй байгаа хүмүүст бид мөн нэмж майхан өгсөн бөгөөд насанд хүрсэн хүний живх болон амин дэмийг настнуудад өглөө. Тэд тусламжийн багцыг баяртайгаар хүлээн авсан. Ялангуяа хүүхдүүд Хайрт Багшийн маань “Хайр бол цор ганц шийдэл” номыг болон веган болох хөтчийг шимтэн уншицгааж байсан юм. Тус тосгонд байхад газар хөдлөлтийн дараах чичирхийлэл мөн хэд хэдэн удаа боллоо. Өршөөлт Их Багшийнхаа Ивээлээр багийнхан маань газар хөдлөлтийн хохирогчдод жаахан ч болов тайтгарлыг авчирсан юм. Хамгаас Хайрт Их Багшдаа үлэмж их адислал хайрлан хамгаалан халамжилж энэхүү тусламжийг саадгүй үзүүлэх боломж олгосонд нь бид талархаж байна. Тусламжийн багийнхныхаа хичээл зүтгэлд мөн баярлалаа. Газар хөдлөлтөд өртсөн индонезчүүд Аллахын Өршөөлөөр илаарьшин энгийн амьдралдаа орох болтугай хэмээн залбирцгаая. Төгс Гэгээрсэн Их Багш Чин Хай (веган) Жакарта Төвийн тусламжийн багийн мэдээнд хариу илгээлээ: “Жакарта дахь хайр дүүрэн сүнснүүд минь, Явад болсон золгүй газар хөдлөлтийн мэдээг хүргэсэнд баярлалаа. Эх орон нэгтнүүдийн тань төлөө чин сэтгэлээсээ гашуудан залбирч байна. Тусламж үзүүлэх мөнгө санхүү та нарт байгаа нь сайн хэрэг. Нэмж хэрэгцээ гарвал бидэнд мэдэгдээрэй. Та нарын тусламж хохирогчдод тайтгарал авчирч, энэ хэрэгтэй үед нь адисалжээ. Диваажин та нарыг ч гэсэн нинжин, өгөөмөр сэтгэлийн тань төлөө адислаг. Бурханы Ивээл дор бүх хайр талархлаа илгээе.”
