Украин (Урейн) дахь тусламжийн шинэ мэдээ

Төгс Гэгээрсэн Их Багш Чин Хайн Олон Улсын Нийгэмлэгийн Украин (Урейн) дахь тусламжийн сүүлийн үеийн мэдээ...

2022 оны 2-р сард Украин (Урейн) руу эмгэнэлтэйгээр халдан довтолсноос хойш Төгс Гэгээрсэн Их Багш Чин Хай (веган) Украин (Урейн) улсад залбирлаараа, билиг ухаан болон санхүүгийн даруухан хувь нэмрээр тусламж хэрэгтэй хүмүүс болон амьтан-хүмүүст нь тусалсаар байна. Энэхүү шинэ мэдээ манай Нийгэмлэгийнхний 2022 оны 8-р сарын сүүл үеэс 9-р сарын туршид үргэлжлүүлсэн тусламжийн тухай юм.

8-р сарын 26-наас хойш гурван долоо хоногийн туршид манай багийнхан өдөр бүр Украин (Урейн)-ны баруун хэсэгт байдаг Роздол болон Льов хотуудын худалдааны гудамж дагуу Төгс Гэгээрсэн Их Багш Чин Хайн “Хайр цорын ганц шийдэл” ном болон веган хүүхдийн номыг тараалаа.

9-р сарын 3-нд тусламжийн баг Бортники тосгонд очиж веган хүнсний зүйлсийг “Амьд сувд” асрамжийн газарт хүүхдүүдэд зориулсан бэлгийн цүнхнүүдтэй өглөө. Энэ удаагийн болон дараа зочлон очихдоо бид энгийн веган хоол, зуушийг ажилтнууд, хүүхдүүдэд хийж өгсөн юм.

Энэ үед Луцкт манай багийн зарим гишүүд Волин Област хотын зөвлөлийн гишүүн Александр Кулаковын хамт ажиллан боловсролын веган хоёр арга хэмжээ зохион байгуулсан бөгөөд уг арга хэмжээн дээр харилцан яриа өрнөж веганизмын талаар асуулт хариулт, амттай веган хоолны амталгаа болсон юм.

9-р сарын 9-нд Луцк дахь багийнхан Украин (Урейн) хэл дээр хэвлэсэн “Хайр бол цор ганц шийдэл” номыг болон веган хүүхдийн номуудыг тус орны дүрвэгсдийн байгаа Европын таван улс орон руу шуудангаар илгээсэн юм.

Мөн манай Нийгэмлэгийн гишүүд өөр мужууд дахь хэд хэдэн украин (урейн) туслагчдад веган тусламжийн зүйлс худалдан авахад нь зориулж мөнгө олгосон билээ. Эдгээрийг голдуу дотооддоо дүрвэсэн буюу Украин (Урейн)-ы өмнөд болон зүүн бүс нутгуудаас дүрвэсэн өнчин хүүхдүүд, настнууд, хүүхдүүдэд зориулж байгаа юм.

Льов хот дахь бага насны хүүхэдтэй, нүүн шилжсэн хэд хэдэн айлд тусламжийн багцыг хүргэсэн. Үүнд шинэ жимс, ногоо, удаан хадгалж болох веган хүнс, ариун цэврийн зүйлс, хүүхдийн хүрэм, дэвтэр зэрэг багтсан.

Ивано Франкивск мужид хэд хэдэн удаа шинэ ногоо, жимс, 50,000 хос эмнэлгийн бээлий болон сарын хэрэглээний угаалгын нунтгийг Украин (Урейн)-ы баруун хэсгийн Ворохта хот дахь Смеричка хоргодох байр руу илгээсэн юм. Энэ нь Харьковоос нүүлгэн шилжүүлсэн өнчин хүүхдүүдэд зориулсан газар ажээ. Мөн түүнчлэн цэвэрлэгээний бодисуудыг настнуудын гэрт хүргэж аутизмтай болон тусгай хэрэгцээтэй хүүхдүүдэд мөн халаагуур олгосон юм.

9-р сарын 17-ноос эхлэн Киевийн туслахуудын хамтаар “Бүх амьтан” хэмээх Гэрэлт Дэлхийн Нигүүлсэл Шагналын эзэн байгууллагыг үндэслэсэн хатагтай Тамара Хюман (веган)-тай хамтарч хоёр долоо хоногийн хугацаанд веган боловсролын арга хэмжээ зохиолоо. Веганизмын талаар лекцийн үеэр мөн веган тамирчидтай яриа өрнүүлэхийн зэрэгцээ веган ундаа, хүүхдүүдийн үзүүлбэрүүд бас явагдлаа. Мөн багийнхан олон тооны ариутгалын бодисуудыг настнуудын гэрт болон хүүхдийн нөхөн сэргээх төвд хүргэлээ. Мөн бид хүүхэд залууст соёл урлагийн зүйлс, тоглоом, зугаацлын зүйлсийг хүргэсэн бөгөөд тэд биднийг баяртай инээдээрээ шагналаа.

9-р сарын 19-нд багийнхан 12 хүүхэдтэй нэгэн гэр бүлд веган хоол хүнс болон тусламжийн зүйлс өглөө. Тусламжийн баг Киев мужийн Процив тосгонд очиж үндсэн нэрийн веган хүнсийг дотооддоо нүүн шилжиж ирсэн 3,000 орчим хүнд хандив болгон өгсөн юм. 1,000 ам. долларын хандивыг бид гэр бүл нь эх орноо хамгаалах үйлсэд оролцож байхад хүүхдээ төрүүлэх нэгэн эмэгтэйд өгсөн билээ.

9-р сарын 20-нд тусламжийн багийнхан Узын хотын захирагч, хүндэт Виталий Юриевич Гринчуктай уулзан Украин (Урейн)-ы зүүн хэсгээс шинээр дүрвэсэн 4,000 орчим хүнд веган хүнсний тусламж олголоо.

Дараагийнх нь Васылкив хот байсан бөгөөд багийнхан хүүхдийн нөхөн сэргээх төвд 50 хөнжил, веган чихэр, тоглоом, зугаацлын зүйлсийг хүргэж өгсөн юм. Асар их эвдрэл сүйрэл нүүрлэсэн Буча хотод манай Нийгэмлэгийн гишүүд хатагтай Тамара Хюманы хамт хүүхэд залуусын сэтгэлийг сэргээх тоглоом наадгай, хүүхдийн илбэ, урлагийн эмчилгээ зэргийг зохион байгуулав.

9-р сарын 27, 30-ны өдрүүдэд манай Нийгэмлэгийн гишүүд анх удаа Киевийн Веган үзэсгэлэнд оролцож олон хүнд Төгс Гэгээрсэн Их Багш Чин Хай (веган) болон Суприм Мастер Телевизийг танилцууллаа.

Тусламжийн багийнхан маань Их Багшийнхаа Хайрыг дайны хөлд нэрвэгдсэн түмэнд хүргэх нь туйлын золтой, хүндтэй явдал бөгөөд украинчууд (урейнчууд) бидний тал бүрий тусламжийг хүлээн авсандаа чин сэтгэлээсээ талархаж байсан билээ. Бид ч бас Төгс Гэгээрсэн Их Багш Чин Хай Таныхаа хязгааргүй халамж анхаарал болон украинчуудад (урейнчуудад) тууштай тусалж байгаад талархаж байна. Бид мөн эх орон нэгтнүүддээ туслахад оролцсон орон нутгийн туслагчдад талархлаа илэрхийлье. Украи (Урейн) улс амар амгалан оршиж, дэлхий маань нэгдэн хүн төрөлхтөн Бурханы өршөөлт Ивээл дор хамгаалагдах болтугай.

Их Багш талархсан сэтгэлээ хайрын хамт Нийгэмлэгийнхээ оролцсон бүхий л гишүүдэд илгээсэн бөгөөд Урейнд энэ мэтчилэн үйл ажиллагаа явуулж болж л байвал цаашид тусалсаар байх болно гэдгээ Их Багш илэрхийлсэн билээ. БУРХАНЫ ХАЙР САЙХАН СЭТГЭЛТ ТА НАРТ БҮГДЭД ХҮРЭГ. Бурхан гайхамшигт украинчууд (урейнчууд)-ыг ивээх болтугай.