Бурханы шавь бүр хаана ч явсан ухамсартайгаар бясалгаж, Ариун Нэрсийг санаж байснаар Бурханы Ивээлийн сайн багаж хэрэгсэл болж чадна.

Өмнөд Солонгосоос Жи-юний солонгос хэлээр ирүүлсэн олон хэл дээрх хадмал орчуулгатай сэтгэлийн үгийг одоо хүргэе:

Эрхэм Хүндэт, Хамгийн Хүндтэй, Хайрт Их Багш аа, мөн нийт үзэгчид ээ, Би 2025 оны 10-р сарын 3-ны үүрээр авсан өөрийнхөө дотоод ахуй ойлголтоос хуваалцахыг хүсэж байна.

Дотоод ахуй ойлголтдоо би гэртээ, гэр бүлтэйгээ, нохой андтайгаа хамт байсан. Гэнэт хажуу айлын хүн “Газар хөдөлж байна! Газар хөдлөлт боллоо!!” гэж хашхирахыг сонссон.

Би цочсондоо цонх руу гүйж очоод гадагш харав. Тосгон бүхэлдээ хүчтэй чичирч, байшингийн хоорондох замууд асар том ангалаар хагарч байв. Би айдаст автсан ч яг тэр мөчид Бурхан надад Ариун Нэрсийн тухай сануулсан.

Нүдээ анин би бүх хүч чадлаараа Ариун Нэрсийг уншиж, бүгд аюулгүй байж, газар хөдлөлт зогсохыг чин сэтгэлээсээ хүссэн. Агшин зуур бүх зүйл цэгцэрч, амгалан тайван болов.

Цонхоор хараад, гадагшаа гарахад, хэдхэн хормын өмнө аймшигт гамшгийн улмаас сүйрлийн ирмэгт тулж байсан тосгон юу ч болоогүй мэт төгс хадгалагдан үлджээ. Үлдсэн цорын ганц ул мөр нь зам дээрх “газар хөдлөлийн тэмдэг” байв. Гэвч тэр хүртэл маш нямбай сэргээн засварлагджээ. Манай гэрт байсан хоёр төгөлдөр хуур шатсанаас бусад нь өмнөх шигээ бүх зүйл төгс хадгалагдан үлдсэн байв. Би ямар ч дөл гал хараагүй гэвч тэдгээр нь харлан шатаж, дүрэлзэж байсан.

Дотоод ахуй ойлголтоосоо сэрсний дараа үзэгдэл бүр миний санаанд тод үлдсэн. Их Багш надад Ариун нэрсийг уншихыг сануулж, яг тэр агшинд их газар хөдлөлтийг намжааж байсныг би тодорхой ойлгосон. Хүмүүс, амьтан-хүмүүс, гэр байшингууд, тосгод – бүх зүйл байрандаа тайван, аюулгүй хэвээр үлджээ.

Хайрт Их Багш аа, нугаршгүй Нигүүлсэл, чин зориуллаараа Та энэ дэлхийн үйлийн үрийн саад тотгорыг арилгаж, амар амгалан, тогтвортой байдлыг соёрхдог. Арьяабалын бясалгал болон веганизмаар дамжуулан Та биднийг үргэлж зөв замд хөтөлж, амьдралын мөн чанар, гол утга учрыг ухааруулдаг. Таны соёрхдог Хайр, Ивээлийг бид яахин бүрэн ойлгож чадах билээ, эсвэл тэдгээрийн хариуг хэрхэн барьж чадах билээ дээ? Танаас авшиг хүртэж, ийм эрхэм амьдралаар амьдрах боломжтой болсондоо болон Таны бүх Адислалд би өдөр бүр, хором мөч болгонд гүнээ талархаж байна. Танд би бүх зүрх сэтгэлээрээ үргэлж эрүүл, аюулгүй, амар амгалан, аз жаргалтай байхыг ерөөж байна. Хүндэтгэсэн, Өмнөд Солонгосоос Жи-юн

Тустай Жи-юн, Сэтгэлээ илэрхийлсэнд баярлалаа. Их Багш ийм сайхан хариу танд өгөв:

“Тайвшруулагч Жи-юн, сайн бясалгагч байж, авшиг авах үедээ заалгасан зүйлсээ дадуулсанд баярлалаа. Таны дотоод ахуй ойлголт нь Ариун Нэрс ямар хүчирхэг болохыг, мөн түүнийг хичээн давтсанаар бид эргэн тойрныхондоо ямар тусламж, дэмжлэг үзүүлж чадахыг харуулжээ. Бурханы шавь бүр хаана ч явсан ухамсартайгаар бясалгаж, Ариун Нэрсийг санаж байснаар Бурханы Ивээлийн сайн багаж хэрэгсэл болж чадна. Бурханы төлөвлөгөөг биелүүлэхэд туслахын тулд Тэр бидэнд бүхнийг маш энгийн болгосон. Одоо Суприм Мастер ТВ Макс ба Хамгийн Хүчирхэг Өдөр тутмын Залбирлын тусламжтайгаар хүн бүр, түүний дотор авшигтан бус хүмүүс Дэлхийн сүнслэг шинэчлэлд оролцох боломжтой. Дэлхий даяарх олон хүн үүнийг хийхэд урам авч, дэмжиж, уриалах болно гэж итгэж байна, ингэснээр бид гараг, дэлхий дээрх энергийг хурдан өөрчилж, Дэлхий дээрх бүх сүнсний амьдралыг өргөж, дээшлүүлж чадна. Та болон Өмнөд Солонгосын хөгжиж буй ард түмэн Бурханы Ивээлээр амар амгаланг олох болтугай. Миний хайр үүрд таны төлөө байдаг.”